|| ನಿನಗೆ ನಮನ ||
ಎಲ್ಲರನು ಸಾಕುತಿಹನು
ಎಲ್ಲರ ಹಸಿವನು ನಿಗಿಸುತಿಹನು.

ಭೂತಾಯಿ-ಮಳೆರಾಯರನ್ನು ನಂಬಿಹನು
ಹಲವು ಕಷ್ಟ-ನಷ್ಟಗಳನ್ನು ತನ್ನೆದೆಗೆ ಎಳೆದವನು
ಸಲಹುತಿಹನು ಈ ಜಗಕೆ ನೀಡುತ ಅನ್ನವನು
ಓ ಹೋ...ರೈತನೇ ನಿನಗೆ ನಮ್ಮ. ನಮನವು.||

ಮಣ್ಣಿನ ಉಳುಮೆಯ ಮಾಡುತಾ
ಬೀಜಗಳ ಬಿತ್ತನೆ ಮಾಡಿ..ಪೋಷಿಸುವಾತ...
ಒಕ್ಕಲು ಮಾಡಿ..ಎಲ್ಲರಿಗೂ ಹಂಚುತಾ...
ತನ್ನ ಔದಾಯ೯ ಭಾನೆತ್ತರ ಮೆರೆಯುತಾ..
ಕಾಲ ಬದಲಾದರು,
ಮುಖದೊಳು ಮಂದಹಾಸ ಬೀರುತಾ
ಓ ಹೋ...ರೈತನೇ ನಿನಗೆ ನಮ್ಮ. ನಮನವು.||
            ~ಗಮಯ(ಗಣೇಶ ಮ ಯಲಿಗಾರ )

ಕಲ್ಪನಾಲೋಕ

 || ಕಲ್ಪನಾಲೋಕ ||

ಅಪರಿಚಿತ ಕನ್ಯೆಯ ಮೇಲೆ

ಸ್ವರಚಿತ ಕವನ....

ವಣಿ೯ಸಿ ಹೊಗಳಿದೆ ಅವಳ

ಅಂದ-ಚೆಂದವನು ಈ ಭೂಮಂಡಲದಲಿ 

ಇನ್ಯಾವ ವಸ್ತು ಅವಳಿಗೆ

ಸರಿಸಾಟಿಯಿಲ್ಲೆಂದು ಹೋಲಿಸಿ.||

ಅವಳದೆ ನೋಟವನ್ನು

ಮೈ ಮಾಟವನ್ನು 

ಸೃಷ್ಟಿಸಿದೆ ವಿಶದವಾಗಿ

ನಯನ ತಾರೆ,ತ್ರಿಪುರ ಸುಂದರಿ,

ನಾಟ್ಯ ಮಯೂರಿಯೆಂದೆಲ್ಲಾ.

ಅವಳಲ್ಲಿ ನನ್ನ ಸವ೯ಸ್ವವನ್ನಡಗಿಸಿ,

ಅವಳನ್ನೇ ನನ್ನ ಬಾಳಿನ ಬೆಳೆಕಾಗಿಸಿ.||

ಹಠಮಾರಿ ಹೆಣ್ಣಿನ

ಮುಗ್ಧ ಚಿತ್ರಣ

ಬಿಡಿಸಿದೆ ಬಿಳಿ ಹಾಳೆಯ ಮೇಲೆ

ಕರಿ ಕುಂಚದಿ ಕಣ್ಣರೆಪ್ಪೆಯ ಮೇಲೆ

ಸವರಿದೆ ಇನ್ನಷ್ಟು ಮುಗ್ಧತೆಯನು

ಬಿಂಬಿಸಲು,ವಿವರವಾಗಿ ತೋರಿಸಲು.

ನೈಜ ಮುಖದ ಹಠತನ

ಮತ್ತೆ ತೋರಿತು ಸಹಜತನ.||

ಕಲ್ಪನಾಲೋಕದಲಿ ಮುಳುಗಿ

ನಾ ಹೋದೆ ಕರಗಿ 

ನೀ ನೋಡದೆ ತಿರುಗಿ.

ಹೃದಯ ತಡಬಡಿಸುತ್ತಿದೆ ಮರುಗಿ

ತವಕದಿಂದ ಕಾಯುತ್ತಿದೆ ನಿನಗಾಗಿ

ಬರುವೆಯಾ.? 

ನನ್ನ ಬಳಿಗೆ,ಈ ಘಳಿಗೆ.||

          ~ಗಮಯ(ಗಣೇಶ ಮ.ಯಲಿಗಾರ)